Beraiek jasan duten "jazarpena" beste inork ez jasatea espero dutela esan dute prentsaurrekoan Ana Arbuluk, Marije Rodriguez de Lerak eta Lurdes Agirrezabalek. "Guk, eta guri lagundu digutenek jaso dugun tratua beldurgarria izan da. Denok susmagarri bihurtu gara, zikinak bihurtu gara, eta zikinen anai arrebak".
AGren baliogabetzearen aurrean zenbait alderdik erakutsitako jarrera ez zaie batere gustatu: "mingarria izan da alderdiek ezer gertatu ez balitz bezala jokatu dutela ikustea".
Igandean egingo diren EAEko hauteskundeak "antidemokratikoak" izango direla berretsi dute, ez beraiek eta ez Batasunak ezingodutelako aurkeztu.
EAE-ko hauteskundeak
AGk EHAKri botua emateko eskatu du
Espainiako Auzitegi Konstituzionalak baliogabetutako AG Aukera Guztiak hautesle elkarteak EHAK Euskal Herrialdeetako Alderdi Komunistari boza emateko eskatu du gaur, "Espainiako Gobernuaren badaezpadako legez kanporatze politikari aurre egiten jarraitzeko". AGren ibilbide politikoa motza baina "emankorra" izan dela iritzi diote, eta jasan duten "jazarpen beldurgarria" salatu.
Iruzkinak
Ez dago iruzkinik
Ordenatu
