AHOTSIK EZ DUTENEN AHOTSA

Gipuzkoako Foru Aldundiaren Urrezko Domina jaso zuen atzo Angel Olaranek (Hernani, 1938). Ekitaldia ahotsik ez dutenen ahotsa izateko baliatu zuen misiolariak; lehen munduak herrialde pobreetan egiten dituen «abusuak» salatzeko, diskurtsoa galtzaileen ikuspegitik harilkatu zuen, eta ekitaldiak berak «goragalea eragin» dezakeela adierazi. Olaranek 40 urte daramatza Afrikan; Etiopiako Wukro herrian egin ditu azken urteak, eta lan eskerga egin du.