AHT Gelditu! Elkarlanak webgunea aurkeztu du, "desinformazioari aurre egiteko"

AHT Gelditu! Elkarlana ekimenak, Abiadura Handiko Trenaren proiektuari buruz "erakundeek gizarteari ezarri dioten desinformazioari aurre egiteko", webgune berria aurkeztu du gaur: www.ahtgelditu.org.

Azpiegitura egitasmoaz eztabaida piztu nahi du elkarteak, eta herritarrei dei egin diete daukaten informazioa helarazteko (argazkiak, bideoak...) eta iritziak idazteko.

Webguneak AHTren ibilbidea Googlen mapa ezagunetan "zehatz-mehatz ikusteko aukera" ematen du, trenaren pasoko udalerriak ere erakusten ditu, eraikuntza lanek eragingo lituzkeen kalteen berri ematen du...