Jaurlaritzak Miramar jauregian egitekoa duen bilera baliatuko du Mugitu plataformak AHTaren aurkako protesta kalejira egiteko. Ostegunean egingo dute manifestazioa, eta AHT-Marrazoa lelopean abiatuko dira Bulebarreko kioskotik, 11:00etan.
Plataformako kideek Jaurlaritzari leporatu diote azpiegituraren lanek eragindako "zor izugarria, etengabeko gainkostuak eta horren atzean dauden ustelkeria kasuak" ezkutatzen aritzea. "Jaurlaritzak estutu egin ditu udalak legez kanpoko betoi plantak baimendu ditzaten, eta beste aldera begiratzen du Basaurin alferrik eraikitako zubibide zentzugabearen auzian".
Horiek hala, manifestazioan parte hartzeko deia egin du plataformak, "AHTaren aurkako borroka eta desobedientzia indarberritzeko".
