Aintzane Ezenarro Aralarreko legebiltzarkidea elkarrizketatu du Pello Urzelai BERRIAko Politika saileko kazetariak BerriaTBko Esan ahala saioan. Elkarrizketa osorik igande honetatik aurrera egongo da ikusgai BERRIA.INFOn -egunkarian ere bai irakurgai-, baina aurrerapena dagoeneko ikus daiteke webgunean.
Digitalak produktoraren estudioetan egin zuten elkarrizketa, Lasarte-Orian (Gipuzkoa), asteazkenean.
BerriaTB maiatzean hasi zen Esan ahala saioarekin, eta orain arte, Ezenarroz gain, Joseba Egibar EAJko Gipuzkoako presidentea, Ramon Etxezarreta Eusko Jaurlaritzako Hizkuntz Politikarako sailburuordea, Amets Arzallus bertsolaria eta Markel Olano Gipuzkoako ahaldun nagusia elkarrizketatu ditu.
Atal horretaz gain, BerriaTBk astero bideoak egiten ditu, Martin Ugalde Foroko hitzaldiak zuzenean ematen ditu eta bestelako gertaera batzuk ere ematen ditu zuzenean.
komunikabideak. Aurrerapena
Aintzane Ezenarrori elkarrizketa BerriaTBn
Aurrerapena ikus daiteke dagoeneko. Osorik, igandetik aurrera.
Iruzkinak
Ez dago iruzkinik
Ordenatu
