Aitor Garcia preso donostiarra aske geratu da gaur goizean, ia hamar urte espetxean egin ostean, Amnistiaren Aldeko Mugimenduak esan duenez. Ostiralean Espainiaratu egin zuen Frantziak, eta, asteburua Soto del Real kartzelan igaro eta gero, gaur eraman dute epailearen aurrera, Auzitegi Nazionalera. Ondoren gelditu da aske.
Garcia Frantziako Poliziak atxilotu zuen, 2003ko maiatzaren 9an, ETArekin harremana izatea egotzita. Hamabi urteko espetxe zigorra jarri zioten. Urte hauetan guztietan Frantziako kartzela batetik bestera mugitu dute; besteak beste, Clairvauxen eta La Santen egon da. 2009an, hiru hilabeterako entregatu zioten Espainiari.
