Aitor Zabaleta Realeko jarraitzailearen hilketarengatik atxilotu zuten Racionero, 1998an. 11 egun eman zituen espetxean Zabaleta hiltzea leporatuta; baina aske gelditu zen, epaileak frogatutzat eman baitzuen hilketaren egilea Ricardo Guerra izan zela.
Atletico Madril futbol taldearen estadiotik gertu 22 urteko jarraitzaile bati egin dioten erasoarekin lotuta atxilotu dute Racionero. Labanaz egin diote eraso, Atletico Madrilen zaleak elkartu ohi diren taberna batean. Gazteak Frente Atletico talde ultraren kamiseta zuen soinean. Zaurituta eraman dute ospitalera, eta ebakuntza egin diote.
Joan den abenduaren 8an bete ziren hemeretzi urte Aitor Zabaleta hil zutela.
