Atxiloketak
Aitziber Sagarminaga atxilotu du Guardia Zibilak Bilbon, ETArekin zerikusia duela egotzita
Bart gauean Aitziber Sagarminaga Abad atxilotu du Guardia Zibilak Bilbon. Gaueko hamaika eta erdiak aldera hasi da operazioa, eta goizaldeko ordubiak aldera amaitu da guardia zibilek Iturribide kaleko etxebizitza bat miatu ostean. 'Efe' agentziak zabaldu duenez, ETArekin zerikusia duelakoan atxilotu dute Sagarminaga, eta urriaren 25ean hasita Espainiako polizia indarrek Bilbon egin duten operazioarekin lotu dute. Haritz Totorikaren eta Amaia Urizarren atxiloketekin hasi zen operazio hori.
Hain zuzen ere, Sagarminaga sarekada horren barruan atxilotu duten hamabigarren pertsona litzateke. Orain arte atxilotu dituzten hamaikatatik 8 aske geratu dira, azkena, Inma Basabe, atzo. Atxilotuetako gehienek torturak eta tratu txarrak salatu dituzte.
Iruzkinak
Ez dago iruzkinik
Ordenatu
