Nazio eraikuntzan diharduten eragileen indarrak batu nahi ditu Udalbiltzako presidente Mertxe Aizpuruak. Hutsuneak hutsune, nazio eraikuntza horretan "pixkanaka" pausoak emango dituztela uste du, eta konfiantza azaldu du EAJko hautetsiek ere erakundean parte hartzearekin: "Lehenago edo beranduago, uste osoa dut EAJko hautetsiek bat egingo dutela".
Aizpuruari eginiko elkarrizketa argitaratuko du bihar BERRIAk. Nazioarteko testuinguruak lagun dezakeela nabarmendu du; iritzi dio "oso aproposa" dela une politikoa: "Katalunia hor bertan daukagu, Flandria, Eskozia... Horrek Europan ere gauzak beste modu batera ulertzeko bidea ematen du".
