Al Kaedako disidente talde batek bahitu du Gonyalons

BILBO. Al Kaeda Magreb Islamikoko disidente talde batek bere gain hartu du Enric Gonyalons, Rosella Urru eta Ainhoa Fernandez kooperanteen bahiketa. Urriaren 23an bahitu zituzten, Tindufen (Aljeria). Bilboko Mundubat gobernuz kanpoko erakundeko (GKE) kide da Gonyalons; GKE horrek elikagaien proiektu bat eta lanbide heziketaren gaineko beste bat ditu martxan Saharako Errepublika Arabiar Demokratikoan.