Atentatuak
Alacanteko leherketan larri zauritutako holandarra Zaintza Bereziko Unitatetik atera dute
Iragan asteartean ETAk Alacanteko hotek batean jarri zuen lehergailual larri zauritu zuen gazte holandarra Zaintza Bereziko Unitatetik atera dute, eta Alacanteko Ospitaleko gela arrunt batera eraman dute. Erietxe horretako iturriek azaldu dutenez, 32 urteko holandarra pixkanaka sendatzen ari da, baina oraindik denboraldi bat igaro beharko du ospitalean. Halaber, atentatu berean zauritutako beste gazte bat, 24 urteko alemaniar bat, zegoen Alacanteko Ospitalean, baina hari etxera joateko baimena eman diote.
Hain zuzen ere, bi lagun horiek izan ziren ETAk jarritako lehergailuaren ondorioz larrien zauritu zirenak. Bonba zartatu zen hotelaren ondoko eraikin batean, atzerritarrek gaztelania ikasteko akademia batean, zeuden gazte horiek biak.
Iruzkinak
Ez dago iruzkinik
Ordenatu
