Baionan, Rousseten zerrendak lortu du boz gehien: %50,61. Virginie Calmels eskuinekoak bozen %33,19 lortu ditu Lapurdiko hiriburuan, eta Fronte Nazionaleko (FN) Jacques Colombierenak, %16,20.
Hendaian eta Angelun ere sozialistak dira nagusi, botoen %59,34 eta %44,58 lortuta, hurrenez hurren. Donibane Lohizunen eta Miarritzen, aldiz, Errepublikanoen zerrendak irabazi du. Donibane Lohizunen, erraterako, eskuinak botoen %45,46 lortu ditu, eta Miarritzen, %46,26. FNk bozen %15 inguru lortu ditu herri horietan guzietan.
Lehen itzulian ere nagusitu zen Rousset, baina EELV ekologisten babesa behar izan du bigarrenerako. Testuinguru horretan, AHTa gehiago ez diruztatzea hitzartu zuten PSk eta ekologistek, Roussetek hainbatetan defendatutakoaren kontrara. Hemezortzi urte daramatza Roussetek Akitaniako kontseiluko presidentetzan.
