'Alakrana'-ko bi piratak urtarrilean epaituko dituzte

DONOSTIA. Espainiako Auzitegi Nazionalak urtarrilaren 31n epaituko ditu, Bermeoko Alakrana atunontziaren bahiketan ustez parte hartu zuten Somaliako Abdu Willy eta Raageggesey Adji Haman. Angela Murillo, Teresa Palacios eta Carmen Paloma Gonzalez izango dira epaimahaiburuak. Fiskalak 220 urteko espetxe zigorra eskatu du bakoitzarentzat. Alakrana 2009ko urrian bahitu zuten, eta bi piratak berehala atxilotu zituzten, eta Espainiaratu egin zituzten.