Foruzaingoaren arabera, kiroldegiko aldageletan, dutxatik atera eta janztera zihoala, zarata bat entzun zuen emakumezkoak. Begiratzera joan zenean, gizonezko gazte bat ikusi zuen sakelakoarekin bera grabatzen. Laguntza eskatu zuen orduan, eta aldageletan zegoen beste emakumezko baten laguntzarekin, gaztea atxiki zuen.
Egindakoaz damu zela esan zien gizonezkoak bi emakumezkoei, eta grabatu zuena borratzeko prest agertu zen.
Emakumezkoak salaketa jarri zuen Foruzaingoan, eta haiek gizonezkoa atxilotu zuten, frogak aztertu ostean. Diligentziak Iruñeko Instrukzio Auzitegiaren esku daude orain.
