Erronka "pertsonal eta kolektiboa" da Euskaraldia. Hala izatea nahi dute sustatzaileek, gaurtik abenduaren 3ra bitartean. Baina baita gerora ere, hizkuntza ohiturak aldatzea baita egitasmoaren oinarria. BERRIAk ere ekarpen berezia egingo dio Euskaraldiari, besteak beste, webgune batekin. Atariko gisa egindako serieko erreportaje eta elkarrizketa guztiak daude ikusgai, baita egitasmoari buruzko iritzi artikuluak eta bideoak ere.
Denera, 196.000 lagun murgildu dira, gutxienez, ariketa horretan. %74 dira 'ahobizi', eta %26 'belarriprest'. Dena den, kopuru hori hazten joango da oraindik. Izan ere, hainbat herritan oraindik bada izena emateko aukera, eta ikastetxe ugaritan ere haurrentzako txapa bereziak prestatu dituzte eurak ere ekimenean parte har dezaten —16 urtetik gorakoek soilik eman dezakete izena Euskaraldian—.
Instituzio ugarik egin dute bat ekimenarekin. Horietako bat izan da Reala. Talde txuri-urdinak jakinarazi du abenduaren 3a bitartean Euskaraldian izena eman duten jokalariek hitz egingo dutela prentsaurrekoetan. Lehen euskara hutsezko agerraldia Asier Garitano entrenatzaileak egingo du bihar bertan. Taldeak iragarri du, hala ere, aldibereko itzulpen zerbitzua izango dela eskatzen duenarentzat.
Aspaldi euskararen arloan egindako egitasmorik handiena da, beraz. Ez da, hala ere, aldekotasuna erakusteko ekintza bat: aldaketak lortu nahi ditu, aldaketa praktikoak, aldaketa pertsonalak eta kolektiboak. Euskararen erabilera geldialdian dagoen honetan, hazteko abiapuntu bat ezarri.
Goizean goizetik irten dira asko etxetik datozen 11 egunak euskaraz biziteko asmoz. Herri ugaritan hainbat ekitaldi antolatu dituzte goizerako, Donostian eta Irunen, esaterako, mintzodromoak antolatu dituzte. Aldiz, beste hainbat txokotan arratsaldean emango diote hasiera ekimenari, jan-edanarekin batzuetan eta festa giroan besteetan. Andoainen esaterako musikaz lagunduta hasi dute erronka:
Euskaraldiaren erritmoak dantzan Andoainen #Euskaraldia@berriapic.twitter.com/XgFGRXESLq
— Ainara Arratibel (@ainaraarratibel) 2018(e)ko azaroaren 23(a)
Goizean goiz txapa paparrean jantzita atera dira etxetik beste asko. Hartutako konpromisoa betetzeko gogoz.
Etxekook, ahoak bizi eta belarriak prest! Balio dezala hizkuntza ohitura berriak sortu eta euskal hiztunak ahalduntzeko. Erronkari ekiteko gogoz! #11EgunEuskaraz@DEuskaraldia@euskaraldia@berria@irutxulopic.twitter.com/YGcYB9f5PV
— Ane Fernandez Aranbu (@ane_fernandez) 2018(e)ko azaroaren 23(a)
Hendaiako Gaztelu Zahar frontoian Euskaraldirako karpa prest #Euskaraldia@berriapic.twitter.com/wfEAdmEQLd
— Nagore Rodriguez (@nagorera) 2018(e)ko azaroaren 23(a)
Nork bere txapa soinean ekin diete belarriprest eta ahobizi-ek egunerokoari, zenbait lekutan giroak lagundu ez arren.
Aterki eta bufanda artean, baina txapak paparrean ageri dira @berria@andoainikastola@AndoaingoUdala#euskaraldiahttps://t.co/2C3eK1VeQzpic.twitter.com/sbbtgiy9O6
— Enekoitz Telleria (@EnekoitzTelle) 2018(e)ko azaroaren 23(a)
Eguraldiak ez du asko laguntzen txapak ikusarazten, baina, tira, irudimen pixka batek laguntzen du #euskaraldia@berriapic.twitter.com/TATQxm7jf7
— Jon Ordoñez (@jonordoez) 2018(e)ko azaroaren 23(a)
"Eta gainean eraman behar da beti txapa?". Zenbaitek argi dute, Azpeitian behintzat. Loiolako basilikaren puntan ere #belarriprest#ahobizi#berriabizi@euskaraldiahttps://t.co/bLebGd5Wqepic.twitter.com/SQujBlFLNd
— Berria.eus (@berria) 2018(e)ko azaroaren 23(a)
Berezitasunen bat edo beste ere ekarri du Euskaraldiak, oinarrizko formatua guztientzat berdina izan arren. ELAk salatu du ahobizi eta belarriprest txapak eramatea "debekatu" diela ertzainei Eusko Jaurlaritzako Segurtasun Sailak. Ertzaintzak azaldu zuenez, pinen partez, eskumuturrekoak eramango dituzte Euskaraldian parte hartuko duten agenteek.
Hizkuntza ohiturak aldatzea da nagusiki Euskaraldiaren xedea. Euskara ulertu behintzat egin behar da parte hartzeko. Azken inkesta soziolinguistikoen arabera, euskal herritarren %45ek ulertu gutxienez egiten dute euskara. Bilbon, esaterako, nabaria da aurrerapausoa ulermenean. Erabileran nola nabarituko den ekinaldia, hori da askoren galdera orain, zenbaiten kasuan, belarribizi egiteraino.
Susmoa dut gaur gehienok, #Ahobizi edo #Belarriprest ez ezik, #belarribizi ere bagarela, eta hortik ibiltzen garela belarriak luzatuta ea bazterretan ohi baino euskara gehiago entzuten dugun. Neu behintzat hala nago #euskaraldia@berria
— Gotzon Hermosilla (@GotzonH) 2018(e)ko azaroaren 23(a)
#Euskaraldia#ahobizi hasi, etxekoekin euskaraz hitz guztiak. Tabernan, kafea eskatzerako orduan ohitura aldaketa: tabernari elebakarrari euskaraz egin diot; lehen solasaldia, bi hizkuntzatan; amaieran, #belarriprest aktibo bihurtu da bera, txapa gabe. "Oso ondo", esan dit. Ea pic.twitter.com/xCcbqK3vEq
— Urtzi Urkizu (@urtziurkizu) 2018(e)ko azaroaren 23(a)
