Alderdi egunean mobilizatzeko deia egin die Imazek EAJko militanteei

"Aurtengo Alderdi egunean mobilizatzen bagara, suziri bat bezala irtengo gara", hala azaldu du EAJko EBBko presidente Josu Jon Imazek, gaur, Alderdi egunarekin batera aurkeztu den EAJren aldizkarian. Alderdikide bakoitzaren "indarra eta mobilizazioa" eskatu ditu Imazek. Era berean, estatutu berri baten beharra azpimarratu du, "lana eta aberastasuna lortzeko eta Europan lider izateko". Imazek orain dela 25 urteko Alderdi egunarekin alderatu du aurtengoa, "biak Euskal Herriaren autogobernuaren etorkizunean une erabakigarria" suposatzen baitute.