Hotzak Euskal Herrian jarraituko du gaur ere. Arratsalderako elur maila 300 metrora igoko dela iragarri du Euskalmetek. Kostaldean elurra zena, euri bilakatuko da gau partean.
Tenperaturari dagokionez, tenperatura maximoak 4-5 gradu ingurukoak izango dira kostaldean; barnealdean, aldiz, 0-2 gradu ingurukoak. Alerta laranja bihar arte luzatu dute.
18:30ean jasotako tenperaturak:
Loiuko aireportua: 4,4 gradu
Hondarribiako aireportua: 4,8 gradu
Gasteizko aireportua: 0 gradu
Iruñea: 0,8 gradu
Biarritz: gradu 1
Donibane Garazi: -3 gradu
Biharko prezipitazioa mardul eta etengabea iragarri du Euskalmetek, kantauri isurialdean bereziki. Zerua estalita egongo da eta euria erruz eta maiz egingo du, goizean batez ere. Tenperatura igo egingo da eta baita elur maila ere; goizean 300-500 metro inguruan egongo da eta arratsaldean eta gauean 800 metro inguruan.
