Bihar hasiko da Espainiako hauteskundeen kanpaina, "eta ETA atentatua egiten saiatuko delako", Espainiako Estatuan Polizia, Guardia Zibila eta Armada "gehieneko alerta" egoeran daudela esan du gaur Alfredo Perez Rubalcaba Gobernuko Barne ministroak. Besteak beste, azpiegitura "bereziak" zainduko dituzte.
"Ohiko operazioa da hauteskundeak daudenean", Rubalcabaren arabera, "eta Estatuaren eginbeharra da segurtasun neurri denak hartuta atentatuak eragoztea, nahiz eta su-etenaz geroztik ETA ahulago dagoen".
"Terrorismo islamdarragatik ere alertan" daudela dio Espainiako Barne ministroak. 2004ko hauteskundeak baino hiru egun lehenago Al Kaedak atentatu handiak egin zituen Madrilen -ia berrehun hildako izan ziren-, eta hori gogoratu du Rubalcabak.
Politika
"Alertan" daudela esan du Rubalcabak, "ETA atentatua egiten saiatuko delako"
Espainiako hauteskundeen kanpaina bihar hasiko da, eta Gobernuak "segurtasun neurri denak" hartu ditu.
Iruzkinak
Ez dago iruzkinik
Ordenatu
