Alkohola edandako gidari batek bi lagun zauritu ditu

LEGAZPI. Alkoholaren eraginpean autoan zihoan gizonezko batek bi pertsona zauritu zituen atzo goizaldera Legazpin, Gipuzkoan. Plazaola kalean jende artera sartu zen gidaria, eta hainbat pertsona harrapatu zituen —Ertzaintzak ez du zehaztu zenbat—; bi erietxeratu zituzten. Ihes egin zuen gidariak, baina ertzainek atzeman zuten. Positibo eman zuen alkohol proban.