Erasoa
Alozeko Ikastola (Zuberoa) erasotu dute, kalte handiak eraginez
Alozeko Basaburua Ikastolak (Atharratzeko kantonomendua, Zuberoa) kalte handiak izan ditu, azken bi egunetan hainbat eraso izan eta gero. Ikastolako arduradunek azpimarratu dutenez, erasoak azken bi gauetan izan dira, eta bertako tresneria guztia txikitu dute. Euskara eta euskaldunen aurkako pintadak eta irain gogorrak ere azaldu direla salatu dute. Gainera, hainbat esbastika ere margotu dituzte erasotzaileek.
Poliziak 14 eta 15 urteko bi gazte atxilotu ditu, eta erasoa egin izana leporatu die. Ez dute atxilotutako gazteen inguruko datu askorik eman, baina Atharratzeko kantonamenduan bizi direla azaldu dute. Basaburua Ikastolan 13 haur daude egun eskolaturatuak.
Iruzkinak
Ez dago iruzkinik
Ordenatu
