Ertzaintzak jakinarazi duenez, bart gauean Altubeko gainan norbaitek auto gidari bat hil du eta ihes egin du. Zuia parean gertatu da ezbeharra (Araba). Auto gidaria, argitu gabe dauden arrazoiengatik, bere autotik kanpo zegoen Bilborako norabidean ordainlekura iritsi baino bi kilometro lehenago. Beste auto batek harrapatu eta hil egin du.
Hildakoa 36 urteko gizonezkoa da. Harrapatu duenak ihes egin du, eta beste gidari batek ohartarazi du Ertzaintza telefonoz hots egin eta errepidean gizon bat zegoela esanez. Konorterik gabe zegoen orduan oraindik, baina hil egin da. Ertzaintzak gertatutakoa argitzeko ikerketa abiatu du eta lekukoen bila ari da.
