Amaiur eta ERCk arduraz jokatzeko eskatu diote Raxoiri

Amaiur eta ERCko diputatuen babesa jaso zuten auzipetuek atzo. Xabier Mikel Errekondok Espainiako Gobernuari eskatu zion «salbuespen neurriak indargabetzeko» eta gatazkaren konponbidean urratsak egiteko. ERCko Joan Tardak, berriz, euskal independentismoaren «kriminalizazioa» salatu zuen. Auzitegian ere izan ziren Jon Iñarritu, Amalur Mendizabal eta Alberto Unamunzaga diputatu eta senatariak.