Amaiur koalizioak uste du Espainiako Kongresuko bere bulegoan "entzuketa ilegalak" egiten dizkiotela, hor esandako batzuk gero El Mundo egunkariak argitaratu izan dituelako, gaur Gara egunkariak dakarrenez.
Parte sartu edo ez aztertzen ari da Amaiur, eta Kongresuan ekimenak hastea ere pentsatzen ari da. Aurki jakinaraziko du zer neurri hartu dituen, egunkari hark dioenez.
2003an, ganberako bere bulegoan entzuketak egin zizkiotela salatu zuen EAJk.
Zazpi parlamentari lortu zituen Amaiurrek iazko azaroko hauteskundeetan; Hego Euskal Herrian, lehen indarra izan zen diputatu kopuruaren aldetik. Kongresuaren Mahaiaren erabakiz, ez du talde propiorik —helegitea sartua du koalizioak—.
“PPren etengabeko inposizioaren aurrean, Euskal Herriarentzat dagoen benetako alternatiba bakarra dela erakutsi du Amaiurrek”, esan du gaur Sabino Cuadra koalizioko diputatuak.
