Ezbeharra
Amurrioko bizilagun bat hil da Laudion, motor istripuan
Trafiko ezbehar larria gertatu zen atzo iluntzean A- 625 errepidean, Laudio (Araba) parean: motor bat bidetik atera zen, eta, ondorioz, gidaria hil egin zen. Ertzaintzak gaur jakinarazi duenez, G.Z.R. gizonezkoa, 36 urteko Amurrioko (Araba) bizilaguna da zendua.
Oso kolpe handia hartu zuen motor gidariak, eta zauri larrien ondorioz segituan hil zen. Ertzaintzak agertu du istripuaren nondik norakoak ikertzen ari direla.
Iruzkinak
Ez dago iruzkinik
Ordenatu
