Nafarroa Beherean hil zen atzo Gastesi, 76 urte zituela. Etxerat taldeak babesa eta elkartasuna adierazi nahi izan die senideei eta lagunei, eta horrelako egoerak errepika ez daitezen "Euskal Herrian aske bizitzeko eskubidea" aldarrikatu dute iheslari politikoek bidalitako komunikatuan.
"Azken urte luzeetan jasandako jazarpen politikoaren ondorioz eta torturak jasateko beldurraren ondorioz, senide eta lagun askok ihes egin behar izan dute euren etxeetatik; ez dakigu non bizi diren eta zein baldintzetan". Hori dela eta, eta "konponbidearen eta bakearen urratsetan aurrera egin ahal izateko, ezinbestekotzat jotzen dugu behingoz euskal iheslari eta deportatuek bizi duten egoeran aurrerapausoak ematea".
