ANCren Euskal Herriko biltzarrak babesa eman dio Kataluniako prozesuari

ANC Kataluniako Biltzar Nazionalak Euskal Herrian duen biltzarrak babesa eman zion atzo Kataluniako prozesu subiranistari, Diada ospatu baino hiru egun lehenago. Elkarretaratzea egin zuen Bilboko Kafe Antzokiaren parean, eta solasaldia izan zuten gero Martxelo Otamendi BERRIAko zuzendariak eta Vicent Partal Vilawebekoak. Etziko, Kataluniarekiko babes ekitaldia antolatu du EH Bilduk Iruñean.