Andre bat ezkaratzean erditu da, Galdakaon

BILBO. Emakume bat etxeko ezkaratzean erditu zen atzo, Galdakaon (Bizkaia). DYA elkarteak emandako datuen arabera, eguerdi aldera dei bat jaso zuten, Sollube kaleko ezkaratz batean andre bat erditzen ari zela esanez. Berehala bertaratu ziren, eta andreari umea izaten lagundu zioten. 12:37 inguruan jaio zen haurra. DYAko kideekin batera, Osakidetzaren larrialdietarako anbulantzia bat ere bertaratu zen erditzea izan zen lekura. Ama-umeak Gurutzetako erietxera eraman zituzten.