Andre bat hilik agertu da Baionan, Aturri ibaian

Baionako Grenet zubiaren ondoan aurkitu dute hilotza. Oraingoz ez da desagerpen salaketarik izan, eta ez dute identifikatu, ez zergatik hil den argitu. Ikerketa bat abiatu dute nor den jakiteko, eta autopsia ere egingo diote, heriotza argitzeko asmoz. Hirurogei bat urteko emakumea da hildakoa: atzo 23:25 inguruan ikusi zuten lekukoek, eta suhiltzaile eta poliziei deitu zieten.