Emakume bat hilik topatu zuten igande goizean Imarkoaingo gasolindegi batean (Nafarroa). Hango langileek topatu zuten gorpua, auto baten barruan, eta abisu eman zioten Foruzaingoari. 08:30 aldera azaldu ziren poliziak bertara, eta heriotza egiaztatu zuen.
Lehen ikerketan, foruzainek ez zuten indarkeria zantzurik antzeman emakumearen gorpuan. Hala ere, ikerketa zabaldu zuten, eta Auzi Medikuntzako Nafarroako Institutura igorri zuten gorpua, autopsia egiteko eta heriotzaren inguruabarrak argitzeko.
Autopsiak argitu du emakumea berez hil zela, itota, jaten ari zela; zehazki, opilak jaten ari zela uste dute. Artxibatu egin dute auzia hartara.