Andre bat ospitaleratu dute, lagun ohiak zaurituta

TRAPAGARAN. Emakume bat erietxera eraman behar izan zuten herenegun arratsean, bikotekide ohiak zauritu egin baitzuen. Trapagaranen (Bizkaia) eraso zion gizonak; harremana berriz hasteko eskatu zion andreari, eta hark ezetz esan zionean, eraso egin zion. Burualdean zauritu zuen. Ertzainek atxilotu egin dute gizona; 29 urte ditu. Barakaldon, berriz, 53 urteko gizon bat atzeman dute, urruntzeko agindua hausteagatik.