Iruñeko Administrazio Auzitegiak hartutako erabakia atzera bota, eta Antsoaingo jaietan udaletxeko balkoian ikurrina jarri izana "lege iruzurra" dela ebatzi du Nafarroako Justizia Auzitegi Gorenak. Hala, arrazoi eman dio Espainiako Gobernuko ordezkariari, argudiatuta udalak EAEko ordezkaritza bat gonbidatu zuela, ikurrina balkoian jarri ahal izateko, eta ez alderantziz.
Ez da lehen aldia epaitegiek Nafarroako udal baten aurka jotzen dutela balkoian ikurrina bandera ofizialen alboan jartzeagatik. Gauza bera gertatu zen joan den ekainean Iruñean eta Tafallan. Han ere ikurrina era ofizialean paratu ahal izateko "EAEko ordezkari politikoak gonbidatu izana" leporatu zien auzitegiak udalei.
