Burua estalita eta pistola bat eskuan zuen lagun batek lapurreta egin du gaur goizaldean AP-68 errepideko ordaintoki batean. 01:26ak aldera sartu da ordaintokiko kabinara, eta han zegoen langilea izutu ondoren, ehun euro lapurtu eta ihes egin du.
Ordainlekua AP-68ko 14. irteeran dago, NA-123 (Lodosa-Sartaguda) errepidearekin lotura egiten duen irteeran, hain zuzen.
Langileak gertatutakoa salatu du. Lizarrako Foruzaingoa eta Guardia Zibila bertaratu egin dira, eta ikerketa abiatu dute.
