Araba Euskaraz Arabako ikastolen jaia Bastidak hartuko du aurten, ekainaren 17an. Herriak jaia antolatzen duen laugarren urtea izango da, baina aurtengorako berrikuntzak iragarri dituzte gaur Gasteizen egindako agerraldian.
Erosotasuna lortzeko asmoz, aparkalekuetatik gertuago kokatu dute ibilbidea, eta gainera, herritik bertatik igaroko da. Horrela, festaren muina ikastolan egotea nahi dute.
Hiru kilometroko ibilbidea prestatu dute, eta lau gune izango ditu guztira. Aurtengo festarako kantua Nahixan taldeak egin du, eta horiekin batera, kontzertua eskainiko dute jaiaren egunean Bizardunak, Ze Esatek! eta Gatibu taldeek, besteak beste.
Barneratu, Barreiatu leloa hautatu dute aurtengo jairako.
