Hurrengo urteko Araba Euskaraz ekainaren 21ean izango da, Oion herrian, gaur antolatzaileek jakinarazi dutenez. Hauspoari eraginez leloa edukiko du Arabako ikastolen aldeko festak.
1978an sortu zuten Oiongo Ikastola, eta 1984an, 1997an eta 2003an ere hartu zuen Araba Euskaraz.
Ikastolako arduradunek esan dute 30 urte daramatzatela euskararen alde hezkuntzan, baina ikastetxetik kalera "modu naturalean" pasatzeko zereginik badagoela.
256 ikasle dituzte gaur egun, eta haietako batzuk Errioxakoak (Espainia) dira, Logroñokoak. Horiengatik ez dute garraio arloko diru laguntzarik jasotzen. Beraz, Araba Euskarazen bidez ekarpen ekonomikoa ere behar dutela adierazi dute gaur.
Euskara
Araba Euskaraz ekainaren 21ean, Oionen
Laugarren aldiz hartuko dute han Arabako ikastolen aldeko festa, 'Hauspoari eraginez' lelopean.
Iruzkinak
Ez dago iruzkinik
Ordenatu
