Euskal erakundeek urrian hasiko dituzte negoziazioak Errioxako jatorri izenaren Kontseilu Arautzailearekin Arabako Errioxako ardoei izendapen berezi bat eman diezaioten. Hala iragarri dute gaur Eltziegon ospatu den XXIII. Mahats Biltze festan. Iñigo Urkullu Eusko Jaurlaritzako lehendakaria, Arabako ahaldun nagusi Ramiro Gonzalez eta alderdi politiko ordezkariak bildu dira bertan.
Eskaera hori onartu ezean, Arabako ahaldun nagusi Ramiro Gonzalezek adierazi du ez dutela baztertzen Arabako ardoak Errioxako izendapenetik ateratzea. Gonzalezen arabera, Errioxako izendapenaren barnean "kantitatea" gailentzen da batik bat, eta Arabako ardoen kasuan, "kalitatea" azpimarratzea nahiko lukete.
