Jaurlaritzako Hezkuntza Sailak "gatazka konpontzeko agertutako interes eskasa" dela eta, abenduaren 12rako grebara deitzea erabaki du CCOO sindikatuak. Erakundeak zabaldutako oharrean salatzen du Jaurlaritzak "etengabe" atzeratu dituela negoziazioak, "xehetasunetan sartzeko inolako asmorik gabe".
Hala, sindikatuak gogorarazi du sektore horretako langileak "etsita" daudela, ikusirik ez dela urratsik egiten galdutako eskubideak berreskuratzeko. Hori dela eta, gehiengo sindikalak ere egun horretarako deitutako greba kontuan harturik, "muturreko erabaki bat" hartu dute.
CCOOko kideek elkarretaratzeak egin dituzte gaur Araba, Bizkai eta Gipuzkoako eskolen aurrean, eta, ostiralean, Hezkuntza Saileko ordezkaritzen parean egingo dituzte. Ohartarazi dute "erantzun baikorrik ezean" grebara joko dutela.
