Aralarren esanetan, Amaiur koalizioa da Euskal Herriko historian orain arte egin den indar metaketarik handiena eta garrantzitsuena. Momentu politikoak eta gizarteak eskatzen dituen erantzunak emateko gakotzat ikusten du koalizioa eta horregatik, Aralarren ustez, bozka bakarra Amaiur da; hura delako "bakea, normalizazio politikoa, justizia soziala, eta autodeterminazioa eraikitzeko aukera eraginkor bakarra".
Aralarren ustetan, "Amaiur gogor ariko da zubiak eraikiz, pertsona eta alderdi guztiekin, irabazle eta galtzailerik gabeko gizartea eraikitzeko; guztion gizartea eraikitzeko".
Larunbat honetan, Donostian Anoetako belodromoan egingo du Amaiurrek mitin nagusia, 17:00etan, eta Aralarrek herritar guztiak han izatera gonbidatu ditu, "sentsibilitate desberdineko alderdi independentista eta ezkertiarrekin batera Euskal Herrian zabaldu den garai berri honetan elkarrekin bidea ekitera, belodromotik hasita".
Ezker abertzaleak, Aralarrek, EAk eta Alternatibak osatzen dute Amaiur.
