Askatasunak jakinarazi duenez, atzo eta gaur egin dituzte itxialdiak Aranjuezeko euskal presoek, Peñaren egoera salatzeko. Borrokaldiaren ostean, espetxearekin akordioa lortu dute, eta Peña isolamendutik atera, eta euskal presoak dauden modulu batera eraman dute.
Bestalde, espetxe horretan bertan gose grebak egiten dituzte astelehen eta astearteetan, Iñaki De Juanaren egoera salatzeko. Bost modulutan daude euskal presoak, eta txandaka egiten dituzte barauak.
Gainera, Askatasunaren esanetan, Langraizen (Araba) dauden euskal presoei hatz markak digitalizatzen saiatu dira, baina presoak ukatu egin dira horretara. Zigortu egin dituzte, eta asteburuan ez dute bisitarik izango.
Euskal Presoak
Aranjuezen borrokaldia egin dute Peña bakartzetik ateratzeko, eta lortu egin dute
Iñaki Peña isolaturik zeukaten Aranjuezeko (Espainia) espetxean. Horren kontra, itxialdia egin dute espetxe horretako euskal presoek, eta espetxearekin akordioa lortu ostean isolamendua amaitu egin da.
Iruzkinak
Ez dago iruzkinik
Ordenatu
