Arantza Zulueta abokatua aske gelditu da, goizean Espainiako Auzitegi Nazionalean Fernando Grande-Marlaska epailearen aurrean deklaratu ondoren. Fiskalak ez du haren aurkako neurri berririk eskatu, Amnistiaren Aldeko Mugimenduak esan duenez, eta Zulueta etxera bidean da.
Abokatua joan den abenduaren 2an aske geratu zen, 60.000 euroko bermea ordainduta. Zazpi hilabete lehenago atzeman zuten, operazio zabal batean, ETAren mezulari zirela argudiatuta. Grande-Marlaskak beste auzi bat ireki zuen haren aurka, baina epaileak aurreko inputazio berei eutsi die.
