Rodolfo Ares Eusko Jaurlaritzako Herrizaingo sailburuaren dimisioa lortu nahian mozioa sartuko du Aralarrek hurrengo astean Eusko Legebiltzarrean, sailburuak Jon Paredes Manot Txiki Francisco Franco Espainiako diktadorearen erregimenak 1975ean fusilatutako ETAko kidearen familiari ez diolako barkamena eskatu oraindik. Hain zuzen, Txikiri senideek urteroko omenaldia egin nahi izan zioten Zarautzen (Gipuzkoa) irailean, baina Ertzaintzak eragotzi egin zuen; horrek eta Aresen jarrerak eragin dute Aralarren ekimena.
Era berean, Aintzane Ezenarro Aralarreko eusko legebiltzarkideak iragarri du igandean Zarautzen izango dela, herritar talde batek Txikiren omenez deitu duen ekitaldian.
Iratzarri Aralarreko gazte taldeak ere Aresen dimisioa eskatu du gaur, Gasteizen. Eusko Legebiltzarraren aurrean egin dute protesta; sailburuaren argazkiak jarri eta hautsi egin dituzte. Haiekin izan dira Aralarren legebiltzarkideak.
politika
Aresen dimisioa lortzeko asmoz mozioa sartuko du Aralarrek datorren astean
'Txiki'-ren familiari iraileko debekuagatik barkamena ez eskatu izana leporatu dio Jaurlaritzako Herrizaingo sailburuari. Iratzarrik Aresen aurkako protesta ekimena egin du Gasteizen.
Iruzkinak
Ez dago iruzkinik
Ordenatu
