Argituz giza eskubideen aldeko elkarteak Nazio Batuetako hiru kontalarirengana jo du, babes eske. Babesaren oinarrian ikastetxeetan egitekoak ziren arrazakeria eta xenofobia prebenitzeko tailerrak daude; duela bi aste Gasteizko Udalak bertan behera utzi zituen, “justifikaziorik eman gabe”, egun batetik bestera.
Argituz-ek uste du Gasteizo Udalak urratu dituela Nazio Batuen Erakundeak onartutako giza eskubideak sustatzeko eskubidearen adierazpenaren agindu batzuk. Horrenbestez, egoera aztertzeko eskatu diete honako kontalari hauei: giza eskubideen defendatzaileen egoerari buruzko kontalari bereziari; arrazakeriaren eta lotutako intolerantzia forma garaikideen kontalari bereziari; eta iritzi eta adierazpen askatasunerako eskubidea babesteari buruzko kontalari bereziari.
Halaber, Argituz-ek gogorarazi du tailerrak bertan behera uztearen arrazoia ez dela izan ez pedagogikoa, ezta teknikoa ere. “Erabakia bat-batekoa eta azpikaria izan da”.
