Ateak Ireki-k eta Efe berri agentziak jakinarazi dutenez, Espainiako Auzitegi Nazionalak aske utzi ditu Aritz Azkona, Luis Goñi, Alberto Lopez eta Maider Caminos. Azaroan epaitu zituzten, Xabier Sagardoi, Mikel Jimenez, Maitane Intxaurraga, Amaia Legarra eta Noe Lopezekin batera, Segiko edo Ekineko kide izatea eta 2007 eta 2008an Nafarroan kale erasoak egitea egotzita.
Sagardoik eta Jimenezek preso segituko dute, beste kasu batzuengatik.
Legarra, Intxaurraga eta Noe Lopez kalean daude lehendik, behin-behinean.
Epaia laster da ateratzekoa auzitegia, iturri haien arabera, eta Azkona, Goñi, Alberto Lopez eta Camino arratsaldean geratuko dira libre.
Zortzi eta hamar urte arteko espetxe zigorrak eskatu zituen Luis Barroso fiskalak haientzat.
