Nafarroako Gobernuak ez du zezenekin egindako ikuskizunik baimenduko herriko arkitektoak aurrez hesiari oniritzia eman gabe. Neurri honen bidez gobernuak baldintzatutako baimenak kendu ditu. Baldintzatutako baimenak ematen zitzaionetik herriak hamar eguneko epea zuen arkitektoaren oniritzia aurkezteko, orin ordea ezin izango da horrelakorik egin.
Atzo Lodosan entzierro batean izandako heriotzaren ondorioz hartu da erabakia eta baldintzatutako baimena zuen zortzi herriri eragingo die. Gobernuak honen berri eman die udalei jaiarekin aurrera jarraitzeko beharrezkoak diren lanak lehenbailehen egin ditzaten. Lodosak ere gisa honeako baimenak egiten zituen entzierroak.
Neurri honen berri eman duten iturriek aurreratu dute Barne Saileko arduradun Roberto Jimenezek zenzenketa ikuskizunei dagokien arautegia aldatzeko proposamena egingo duela. Aldaketa hauek erabakitzeko ikuskizun horietan parte hartzen duten guztiek eztabaidatuko dute; entzierroan erabiliko den animaliaren arabera itxitura ezberdinak arautzea da proposamenetako bat.
