A-1 errepidean istripua izan da, Armiñon parean (Araba), eta emakumezko bat hil da. Emakumezkoa zihoan furgoneta gidatzen ari zen gizonezkoa ere larri zauritu da, eta Miranda de Ebroko erietxera eraman dute (Burgos).
05:50 inguruan izan da istripua, furgonetak eta kamioi batek elkar jota. Ertzaintzaren arabera, errepidea itxita egon da, Madrilerako bidean, eta AP-1etik bideratzen ari dira trafikoa.
