Etzi Barakaldoko BECen egingo den ekitaldi nazionalean parte hartzeko deia egin du gaur EH Bilduko parlamentari Hasier Arraizek: "10.000 peoi beltzek urrats bat aurrera egingo dute larunbat honetan euskal estatuaren eraikuntzan, estatu espainiarrari xake mate egiteko helburuarekin".
Bilduren helburua independentzia "hogei mugimendutan" lortzea dela nabarmendu du Arraizek, eta mugimendu horietan lehena BECen egingo dutela iragarri. Haren esanetan, "justizia soziala eta subiranotasun osoa errealitate bihurtzea" da azken xedea.
Bide batez, Arraizek gogoratu du Euskal Bidea ez dagoela alderdi eta politikariei zuzenduta, euskal gizarteari baizik: "Gaur egun aldaketak lortzeko nahikoa da askok gutxi egitea".
