"Historian inoiz ez da gertatu apirilaren 30 arte antxoa harrapaketak hutsaren hurrengoak izatea", esan du Tejedorrek. Horregatik, nahiz eta orain bolada hobea hasi, arrantzaldi hasieran izandako kalteak konponezinak direla iritzi dio Gipuzkoako Arrantzaleen Kofradietako presidenteak. Gainera, bolada ona ez dagoela bermatuta oroitarazi du, eta litekeena dela datorren astean ere antxoarik ez arrantzatzea. Halaber, gaurkoan ere ontzietako batzuk ez dutela batere harrapaketarik egin esan du.
Bizkaian eta Gipuzkoan 100 bat itsasontzi aritzen dira antxoa harrapaketan.
Arrantza
Arrantzaldi guztian adinako antxoa kopurua harrapatu dute egun bakar batean Bizkaia eta Gipuzkoako arrantzaleek
Gipuzkoako Arrantzaleen Kofradietako presidente Jaime Tejedorrek jakinarazi duenez, Bizkaiko eta Gipuzkoako arrantzaleek antxoa arrantzaldi guztian adinako arrain kopurua harrapatu dute gaur, egun bakar batean. Hori dela eta, kanpaina hobetuko den itxaropena agertu du Tejedorrek, baina, nolanahi ere, nabarmendu du "historiako txarrenetakoa" gertatuko dela aurtengo antxoa arrantzaldia.
Iruzkinak
Ez dago iruzkinik
Ordenatu
