Antton Mendizabal eskultorea, Antton Olariaga komikilaria, Imanol Irigoien eta Ander Ormazuri margolariak eta beste artista batzuk izan dira gaur Egunkaria-ren epaiketaren aurkako eta auzipetuen aldeko elkarretaratzean, Donostian. Hain zuzen, arte plastikoen alorreko kideek deituta egin dute Bulebarrean bilkura, Egunkaria libre! lelopean.
Joan Mari Torrealdai, Txema Auzmendi eta Xabier Oleaga itxiera kasuko auzipetuak ere bertan izan dira. Baita, besteak beste, Lore Leanizbarrutia EAJko senataria, Joxan Lizarribar EKTko Administrazio Kontseiluko lehendakaria, Joanmari Larrarte EKTko kontseilari ordezkaria eta Sabino Ormazabal kazetaria ere.
Irailaren bukaeratik hainbat alorreko ordezkariek elkarretaratzeak egin dituzte han eta hemen.
Datorren asteartean izango da epaiketako hurrengo saioa.
Arte plastikoen alorreko kideak ere epaiketaren aurka
Elkarretaratzea egin dute Donostian, 'Egunkaria libre!' lelopean. Han izan dira Antton Mendizabal eta Antton Olariaga, besteak beste. Hurrengo asteartean izango da epaiketako hurrengo saioa.
Iruzkinak
Ez dago iruzkinik
Ordenatu
