Errezatzen hasteko keinua egin du Enrique Tenreiro artistak, eta Franoren hilobiaren parean makurtu da, eskuineko eskua poltsikoan zuela. Keinu azkar batekin atera du margo gorria, eta kendu ditu diktadoreri eskainitako lore sortak, haren hilobiaren gainetik. Uso bat margotu du segundo gutxitan. Usoaren gainean, Por la libertad [askatasunarengatik] idatzi du, gazteleraz. Ordurako begira zituen, harrituta, Erorien Haraneko tenpluan inguruan zituenak. Esaldia amaitzeko denbora nahikoa izan du, baina usoa margotzen amaitu aurretik geldiarazi du segurtasun langile batek. Margotzen jarraitzea eragotzi eta lurretik altxarazi duenean, "askatasunarengatik eta espainiar guztien berradiskidetzearengatik", esan du. Hizketan jarraitu du segurtasun langileak helduta zuen bitartean: "Ez dadin garaiturik egon. Ez dut ezer Francoren aurka. Askatasunarengatik da soilik, eta espainiar guztien berradiskidetzearengatik".
Une hori jaso du bideoan @PedroArmestre Twitterreko erabiltzaileak, eta bideoa sare sozialean zabaldu du. Berehala izan du oihartzuna.
Hoy estuve grabando al artista Enrique Terneiro pintando una Paloma de La Paz en una acción protesta Sobre la Tumba de #Francopic.twitter.com/y9fwgDOxnp
— Pedro Armestre (@PedroArmestre) 2018(e)ko urriaren 31(a)
