Reuter albiste agentziari idatzi bat helarazi diote bahitzaileek Huegun eta beste bat datorren astelehenean Eliza Katolikoko ordezkarien esku utziko dituztela esanez.
Hain zuzen ere, Elizako batzorde bat izan da ELN gerrillaren eta Kolonbiako Gobernuaren arteko bitartekari bahiketa honetan. ELNk Kolonbiako gune batzuetako herritarrak zenbaiterainoko baldintza kaskarretan bizi diren onartzea eskatzen zion Alvaro Uribe presidentearen Gobernuari turistak askatzearen truke.
Bahiketa Kolonbian
Asier Huegun datorren astelehenean utziko duela aske iragarri du ELNk
RNC telebista kateak zabaldu duenez, Kolonbiako ELN gerrillak datorren astelehenean utziko du aske Asier Huegun gazte donostiarra. Harekin batera, beste bahituetako bat ere Eliza Katolikoko ordezkarien esku utziko du. Joan den irailean bahitu zuen ELNk Huegun donostiarra, Kolonbian bidaian zela. Harekin batera, beste sei turista atzerritar ere harrapatu zituzten.
Iruzkinak
Ez dago iruzkinik
Ordenatu
