Auzitegi Nazionalean egingo den auzi saio horren aurka, agerraldi masiboa egin dute Gasteizko Andre Maria Zuriaren plazan. Herriak Libre dinamika aurkeztu dute han. Dinamika horren helburua da Euskal Herrian herri epaiketak egitea "espainiar estatuaren izaera inperialista agerian utziz".
Walter Wendelin, Gabi Basañez, Unai Vazquez, David Soto eta Aritz Ganboa epaituko dituzte, eta azaroaren 2ra arte iraungo du epaiketak. Espainiako Auzitegi Nazionaleko Fiskaltzak seina urteko espetxe zigorra eskatua du haien aurka, ETArekin lotura izatea egotzita.
